Diskriminasyon sa mga Miyembro ng LGBTQ (Lesbian, Gay, Bisexual, Trans-Gender at Queer) sa Pilipinas

Isinulat ni: Brixter M. Lanot

Halos lahat ng miyembro ng LGBTQ ay nakararanas ng hindi patas na pagtrato dahil sa kanilang pagkilos at maging sa kanilang katangian. Sa madaling salita ito ay tinatawag na “Diskriminasyon”. Nararanasan nila ito sa kanilang eskwelahan, sa kanilang komunidad, at ang ilan ay mismong sa kanilang tahanan. Ayon sa Human Rights Watch (2017), ang diskriminasyong nararanasan ng mga miyembro ng LGBTQIA ay humahantong rin sa bullying at ang mas malala pa ay sa mga pisikal na pananakit. Ang mga pang –aabusong katulad nito ay maaari ding humantong sa mas mataas na lebel ng depresyon at pagkabalisa na posibleng magdulot ng suicide at iba pang hindi magandang bagay. Nakakaalarma ang ganitong mga pangyayari sapagkat mismong mga opisyal ng gobyerno ay ginagawa ang diskriminasyon sa mga miyembro ng LGBTQ. Ayon kay Edgar T. (2017) sinabi ni Senador Manny Pacquiao na hindi raw tao ang mga miyembro ng LGBTQ at dapat na lamang na pabayaan.

Ayon kay Aenlle (2017) pumasa na sa ikalawang pagbasa ang House Bill 4982 na siyang magpoprotekta at lalaban sa diskriminasyong nararanasan ng mga miyembro ng LGBTQ . Ngunit ang batas man na ito ay maganda sa papel, hindi pa rin naman ito napapatupad ng husto. Dapat lamang na matutukan ng husto ang laban sa diskriminasyon at hindi lamang maisapapel ang mga ganitong uri ng patakaran sapagkat tayong lahat ay pantay pantay lamang at walang karapatang itrato ang iba ng hindi maganda anuman ang kanilang kasarian.

Sa isinulat na artikulo ni Marquez (2015), mayroon ng mga naipatupad na batas para labanan ang diskriminasyon at protektahan ang mga miyembro ng LGBTQ. Mga batas na tutulong bawasan at mapigilan ang pang-aabuso  ng iba sa kanila. Nakasaad sa artikulo ng Human Rights Watch (2017) na habang patuloy ang pagpapatupad ng mga batas laban sa diskriminasyon, dapat pa ring siguraduhin na ang mga patakarang ito ay maayos na naipatutupad sapagkat sa kasalukuyan, sa pagdami ng miyembro ng LGBTQ community sabay rin dito ang mga pang-aapi at pang-aabuso nilang nararanasan.

Kaugnay sa isinaad ng Human Rights Watch (2017), ayon kay Thoreson (undated), may ilang guro rin naman na sumasali rin sa hindi magandang pagtrato sa mga estudyanteng miyembro ng LGBTQ sa halip na sa kanila dapat mismo manggaling ang pagtuturo laban sa diskriminasyon at iba pang klase ng pang-aabuso.Nakasaad din sa artikulo ni Thoreson (undated) na sa mga nakapanayam nilang estudyante marami ang nagsasabi na ang mga kasalukuyang batas laban sa diskriminasyon sa mga miyembro LGBTQ  ay hindi regular at hindi napatutupad ng wasto.Ilan rin sa mga eskwelahang sekondarya ay nakakasanayan ang diskriminasyon at hindi nabibigyan ng suporta at kaalaman ang mga estudyanteng miyembro ng LGBTQ tungkol sa kanilang mga karapatan.

Inilahad ni Carlos M. (2017), isang miyembro ng LGBTQ na siya ay nakaranas ng pisikal na pang-aabuso at diskriminasyon sa kanya mismong pinapasukan na eskwelahan. Ayon sa kanya, tuwing matatapos ang klase, susundan siya ng ilan sa kanyang mga kaklase at siya ay itinutulak, sinusuntok at sinasaktan ng pisikal. Bukod pa doon, tinatawag rin siyang “bakla” sa hindi magandang paraan at nakaranas din siya ng sexual harassment galing sa kanila.Idinagdag pa ni Carlos na dahil halos estudyante lahat ang may pakana ng mga pang-aabuso ay binabalewala na rin lamang ito ng kanyang mga guro na nagdulot din ng diskriminasyon galing mismo sa mga guro. Bukod kay Carlos, nakaranas rin si Benjie A. (2017) ng mga diskriminasyon noong siya ay nag –aaral pa. Ayon sa kanya, biktima siya ng bullying, hindi niya alam ang kasarian niya at pakiramdam niya na walang nagmamahal sa kanya. Ang masama pa rito, umisip na siya ng mga paraan kung paano kitilin ang sarili niyang buhay.

Marami ng patakaran ang ipinatutupad laban sa diskriminasyon ngunit halos lahat ng ito ay hindi natututukan at naipatutupad ng maayos. Karamihan sa mga miyembro ng LGBTQ na biktima ng diskriminasyon ay naghahanap ng suporta galing sa kanilang eskwelahan pati na rin sa kanilang pamilya. Ang tanging kaso rito ay hindi sapat ang kanilang kaalaman ukol sa mga komunidad ng LGBTQ .

Ayon sa aking nabasa, nakonsidera ng seryoso ang pagtutok ng pamahalaan sa pagpapatupad ng mga batas ukol sa diskriminasyon sa mga miyembro ng LGBTQ. Ngunit kung tunay itong seryoso, bakit hindi ito ipinatutupad ng maayos at napakarami pa rin ang nabibiktima ng mga pang-aabusong pisikal at sekswal sa mga myembro ng komunidad ng LGBTQ. Ang ilan naman ay mismong mga opisyal pa ng gobyerno ang nagpapasimuno ng mga hindi pantay na pagtrato sa kanila.

Halimbawa na lamang nito ay ang mga gurong mismong nang-aapi sa mga estudyanteng miyembro ng LGBT. Matataas ang kanilang pinag-aralan ngunit ipinapakita nila ang pagiging mangmang sa kanilang ginagawa. Ano nga ba ang tunay na dahilan kung bakit nila ito ginagawa? Maging ilang mga relihiyosong pastor ay ginagawa rin ang diskriminasyon sa mga myembro ng LGBTQ. Ayon sa kanila Lalaki at Babae lamang ang nilikha ng Panginoon. Ngunit pantay pantay tayong lahat sa mata ng Diyos. Ano man ang kasarian, kabutihan ng kalooban ang tinitingnan ng Diyos sa atin.

Bukod pa doon, pare pareho tayo ng nasyonalidad. Ang dapat nating gawin ay respetohin at suportahan ang isa,t-isa. Wala ni isa sa atin ang may karapatan na manakit at husgahan ang ibang tao base sa kanilang katangian lalong lalo na sa pamamagitan ng kanilang kasarian.

Dapat lamang na tutukan ang laban sa diskriminasyon sa mga miyembro ng LGBTQ dahil pare-pareho tayong tao at higit sa lahat pare pareho tayong Pilipino. Wala tayong sapat na dahilan upang hindi itrato ng maganda ang iba. At sa ating pamahalaan, nararapat din lamang na ipatupad nila ng maayos ang mga batas na kanilang ipinapasa. Nararapat rin na hindi gamitin ng sinumang opisyal ng gobyerno ang kanilang posisyon upang manlamang sa iba. Pagdating naman sa mga eskwelahan, dapat na magbigay ng mga kaalaman sa mgaestudyante ukol sa mga karapatan ng bawat isa at karapatan ng mga miyembro ng LGBTQ.

Sanggunian:

https://www.hrw.org/sites/default/files/report_pdf/philippines0617tagalog_summandrecs.pdf

https://mdepacina.wordpress.com/2016/11/18/batas-para-sa-komunidad-ng-lgbt/

https://www.beyondblue.org.au/who-does-it-affect/lesbian-gay-bi-trans-and-intersex-lgbti-people/the-impact-of-discrimination

Advertisements

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Baguhin )

Google photo

You are commenting using your Google account. Log Out /  Baguhin )

Twitter picture

You are commenting using your Twitter account. Log Out /  Baguhin )

Facebook photo

You are commenting using your Facebook account. Log Out /  Baguhin )

Connecting to %s